irinjalakudavoice
News

ഇരിങ്ങാലക്കുടയിലെ കെ എസ് ഇ കമ്പനി തുറന്നു പ്രവര്‍ത്തിപ്പിക്കണമെന്ന് ആവശ്യപ്പെട്ട്‌ കൊണ്ട് കമ്പനിയിലെ തൊഴിലാളികള്‍

ഇരിങ്ങാലക്കുടയിലെ കെ എസ് ഇ കമ്പനി തുറന്നു പ്രവര്‍ത്തിപ്പിക്കണമെന്ന് ആവശ്യപ്പെട്ട്‌കൊണ്ട് കമ്പനിയിലെ തൊഴിലാളികള്‍ തൃശൂര്‍ ജില്ലാ കളക്ടര്‍ക്കും, തൃശൂര്‍ ജില്ലാ മെഡിക്കല്‍ ഓഫീസര്‍ക്കും, തൃശൂര്‍ ലേബര്‍ ഓഫീസര്‍ക്കും, ഇരിഞ്ഞാലക്കുട ഡി വൈ എസ് പിയ്ക്കും, ഇരിഞ്ഞാലക്കുട നഗരസഭാ സെക്രട്ടറിക്കും,കെ എസ് ഇ മാനേജിങ് ഡയറക്ടര്‍ ക്കും വേദനം നല്‍കി. കമ്പനിയിലെ ഏതാനും തൊഴിലാളികള്‍ക്ക് കോവിഡ് -19 രോഗം സ്ഥിരീകരിച്ചതിനെ തുടര്‍ന്ന് കമ്പനിയുടെ പ്രവര്‍ത്തനം ജൂലൈ പന്ത്രണ്ടാം തിയതി നിര്‍ത്തിയിരുന്നു.ഇപ്പോഴത്തെ സാഹചര്യത്തില്‍ കോവിഡ് വ്യാപനം കുറയുകയും പുതിയതായി കമ്പനി തൊഴിലാളികള്‍ക്ക് രോഗം ഇല്ലാതാവുകയും, എല്ലാ തൊഴിലാളികളേയും റ്റെസ്റ്റിംഫിനു വിധേയമാക്കുകയും ചെയ്ത സ്ഥിതിക്ക് കമ്പനി പ്രവര്‍ത്തനം വീണ്ടും തുടങ്ങേണ്ടതാണെന്ന് കെഎസ്ഇ എബ്ലോയീസ് കോണ്‍ഗ്രസ് സെക്രട്ടറി, INTUC, ഇ ആര്‍ ഭാസ്‌കരന്‍; കെഎസ്ഇ എബ്ലോയീസ് കോണ്‍ഗ്രസ് ടെക്‌നിക്കല്‍ വിഭാഗം സെക്രട്ടറി കെ.മനോജകുമാര്‍; കെഎസ്ഇ എബ്ലോയീസ് സംഘ്, BMS, കെകെ ശശീന്ദ്രന്‍ എന്നിവര്‍ കളക്ടര്‍ക്കുള്ള നിവേദനത്തില്‍ ആവശ്യപ്പെട്ടു.കമ്പനിയിലെ അഞ്ഞൂറോളം തൊഴിലാളികളേയും അവരുടെ രണ്ടായിരത്തോളം വരുന്ന കുടുംബാംഗങ്ങളേയും നേരിട്ട് ബാധിക്കുകയും പരോക്ഷമായി അനവധി ജനവിഭാഗത്തിനും പ്രത്യേകിച്ചും ക്ഷീരമേഖലയുമായി ബന്ധപ്പെട്ടും വളരേയധികം പ്രതിസന്ധി നേരിട്ടുകൊണ്ടിരിക്കുന്ന ഈ സാഹചര്യത്തില്‍ കമ്പനി എത്രയും പെട്ടെന്ന് തുറന്ന് പ്രവര്‍ത്തിക്കാനുള്ള നടപടികള്‍ സ്വീകരിക്കണമെന്നും തൊഴിലാളി നേതാക്കള്‍ പറഞ്ഞു.കോവിഡ് പടര്‍ന്നു പിടിക്കുന്ന സമയത്ത് എല്ലാ കരുതലുകളോടും കൂടിയാണു രാജ്യത്തെ ഏറ്റവും വലിയ കാലിത്തീറ്റ ഉത്പാദകരായ കെ എസ് ഇ.കമ്പനി പ്രവര്‍ത്തിച്ചിരുന്നതെന്ന് പല തൊഴിലാളികളും അഭിപ്രായപ്പെട്ടു.

Related posts

ഇരിങ്ങാലക്കുട റോട്ടറി ക്ലബ്ബിന്റെ 2020-2021 വര്‍ഷത്തെ സേവനപദ്ധതികള്‍ക്ക് തുടക്കമായി.പുതിയ ഭാരവാഹികളായി പോള്‍സണ്‍ മൈക്കിള്‍ പ്രസിഡന്റായും രഞ്ജി ജോണ്‍ ചിറയത്ത് സെക്രട്ടറിയായും സ്ഥാനമേറ്റു.

rahulasokan

കരൂപ്പടന്ന കടലായിയില്‍ സംഘം ചേര്‍ന്നുള്ള ആക്രമണത്തില്‍ യുവാവിന് വെട്ടേറ്റു. പാലപ്രക്കുന്ന് സ്വദേശി അക്ഷയിനാണ് വെട്ടേറ്റത്. പരുക്കേറ്റ അക്ഷയിനെ തൃശൂര്‍ മെഡിക്കല്‍ കോളജില്‍ പ്രവേശിപ്പിച്ചു. കഴിഞ്ഞ ദിവസം രാത്രി പത്തരയോടെയാണ് സംഭവം. 4 പേര്‍ക്കെതിരെ ഇരിങ്ങാലക്കുട പൊലീസ് കേസെടുത്തു.

rahulasokan

കാട്ടൂര്‍ ഗ്രാമപഞ്ചായത്തില്‍ 31-07-2020 ന് നടത്തിയ ആന്റിജന്‍ പരിശോധനയില്‍ രണ്ട് പേരുടെ പരിശോധഫലം പോസറ്റീവായി.

rahulasokan

Leave a Comment

error: agane adichu mattada